टुडे संवादाता 
हेटौंडा/ हेटौंडा अस्पातलमा आज नेपाली सेना र प्रहरीले ल्याएको अक्सिजनले एक दिनलाई मात्र पुग्ने भएको छ । एकै दिनमा २ सय ४० सिलीण्डर अक्सिजनको अआवस्यक्ता हुने भएकाले सेना र प्रहरीले आज ल्याएको र राती देखि भोली सम्म ल्याउने अक्सिजनले एक दिनलाइ मात्र पुग्ने भदन भण्डारी स्वास्थ्य बिज्ञान प्रतिष्ठानका रजिष्टार तथा हेटौंडा अस्पताल बिकास समितिका अध्यक्ष राजेश प्रसाईले वताउनुभयो ।
नेपाली सेनाले ५० वटा बारा जिल्लाबाट, नुवाकोटबाट नेपाल प्रहरीले ५० वटा, ४० वटा बिभीन्न स्थानबाट र बिराटनगरबाट भोली सम्ममा एक सय वटा अक्सिजन सिलीण्डर ल्याइदै छ । यो सबै सिलीण्डरले एक दिन मात्र पुग्ने प्रसाईले जानकारी दिनुभयो । आज दिउसो अक्सिजनको अभाब भएर बिरामीको ज्याननै खतरामा परेपनि अहिले भने केही राहत मिलेको उहाँले वताउनुभयो ।
हेटौंडा अस्पतामा आइसीयु, भेण्टिलेटर र एचडीयुमा उपचार गराइरहेका संक्रमित र कुरूवा अक्सिजन पाइएला कि नपाइएला भनेर पिरोलिन थालेका छन् । आज सेनाको ट्रकमा अक्सिजन आएपछी केही खुसी भएका संक्रमित र तीनका आफन्तहरु भने फेरी कहिले सकिने हो भन्ने डरले पिरोलिे गरेका छन् । सबैको डर अक्सिजन अभाब भएर बिरामीको मृत्यु होला भन्ने भएपछी अक्सिजनको जोहो गर्न थालेका छन् ।
केही बिरामीका आफन्तले उपचार गर्न अस्पतालमा आउँदा अक्सिजन सिलीण्डर समेत ल्याएका छन् । अक्सिजन अभाबका कारण कोरोना भाइरसस संक्रमणका बिरामीको ज्याननै जोखिममा भएको समयमा आज दिउसो नेपाली सेनाको ट्रकमा अक्सिजन ल्याइएको थियो ।
मदनभण्डारी स्वास्थ्य विज्ञान प्रतिष्ठानद्वारा संचालित हेटौंडा अस्पतालमा अक्सिजन अभाव भएकाले नेपाली सेनाको ट्रकमा आज दिउसो अक्सिजन ल्याएको हो । अक्सिजन अभाबकै कारण अस्पतालमा रहेका ४० जनाभन्दा बढी गम्भीर अवस्थाका कोरोना संक्रमितसहितका बिरामीको जीवन जोखिममा परेको थियो ।यो समाचार जनपत्र डटकमबाट साभार गरिएको हो
