टुडे संवादाता 
काठमाडौं /नेपाली कांग्रेसका नेता गगन थापाले स्वतन्त्र न्यायपालिका र अदालतको मर्यादाका लागि काँग्रेस लड्छ भन्ने विश्वास भएमात्रै एउटा मतदाताले रुख चिन्हमा मत हाल्ने बताएका छन् ।सोमबार आयोजित एक कार्यक्रममा सहभागी भएका नेता थापाले काँग्रेसको रुख चिन्हमात्र चिनेको मतदातालाई कांग्रेसले निवार्चन जित्यो भने के गर्छ भनेर जवाफ दिन पार्टीले सक्नु पर्ने बताएका छन्।
‘आगामी निवार्चनमा कांग्रेसले जित्यो भने के गर्छ ? त्यो गर्ने कुराले उसको जीवनमा फरक ल्याउँछ भन्ने कुराले छुन्छ, र त्यो प्रश्नको उत्तर लिएर जाने नेपाली काँग्रेसको नेतृत्व हामीलाई चाहिएको छ’, थापाले भने ।
अबको ५ बर्षमा काँग्रेसले के–के गर्छ त्यसको जवाफ काँग्रेसको रुख चिन्हमात्र चिनेको मतदातालाई दिन सक्नुपर्ने नेता थापाको तर्क रहेको छ । यसको जवाफ दिन सक्ने पार्टीको नेतृत्व चाहिने थापाले बताएका छन्।
