टुडे संवादाता 
हेटौंडा/हेटौंडा–१९ स्थित सान्नानटारमा सवारी दुर्घटना हुँदा एकजनाको मृत्यु भएको छ । मृत्यु हुनेमा हेटौंडा–१९ कुवा पानीका १७ बर्षीय सुदिप तितुङ रहेको जिल्ला प्रहरी कार्यालय मकवानपुरले जनाएको छ । प्रहरीका अनुसार घाइते भएका उनलाई उपचारका लागि चुरेहिल अस्पताल पठाएकोमा डाक्टरले मृत घोषणा गरेका हुन् ।
पूर्वपश्चिम राजमार्ग अन्तरगत बस्तिपुरबाट नेवारपानीतर्फ जाँदै गरेको ना ५ त ७३३८ नम्बरको खाली ट्रयाक्टर र सोही दिशातर्फ जाँदै गरेको बागमती प्रदेश ०३–००५ प १५०३ नम्बरको मोटरसाइकल ठोक्किएको जिल्ला प्रहरी कार्यालय मकवानपुरले जनाएको छ । यता ट्रयाक्टर चालक भने प्रहरी नियन्त्रणमा रहेका छन् ।
सेयर गर्नुहोस्
