हेटौंडा टुडे
हेटौंडा । हेटौंडा उपमहानगरपालिका वडा नम्बर – ३ तिनताप्केमा कुखुरा बोक्ने गाडी दुर्घटना भएको छ । दुर्घटनामा परि हेटौंडा –६ स्थित चौघडाका एक युवकको ज्यान गएको छ। शुक्रबार (आज) दिउँसो चितवनबाट हेटौंडाबजार तर्फ आउदै गरेको ना ५ च ३६२७ नम्बरको गाडी तिनताप्के नजिक अनियन्त्रित भई आफै दुर्घटनाग्रस्त भएको थियो।
दुर्घटनामा उक्त गाडीमा सवार हेटौंडा – ६ चौघडा घर भएका ३३ बर्षीय गोपाल दाहालको मृत्यु भएको जिल्ला ट्राफिक प्रहरी कार्यालय मकवानपुरले जनाएको छ। मृतकको शव हेटौंडा अस्पतालमा राखिएको छ।
सेयर गर्नुहोस्
