हेटौंडा टुडे
हेटौडा । प्रमुख निर्वाचन आयुक्त दिनेशकुमार थपलियाले मत गणना कार्य आज रातिबाट नै सुरु गरिने बताएका छ । आइतबार भक्तपुरको युनिक नेपाल एकेडेमीस्थित मतदान केन्द्रबाट मतदान गरेपछि उनले काठमाडौं लगायत तराईका जिल्लाहरु मत गणना कार्य आजै रातिबाट सुरु गरिने बताएका हुन् ।
आज बिहान ७ बजेबाट देशभर नै एकैचरणमा मतदान सुरु भएको छ । थपलियाले यस निर्वाचनमा ७० प्रतिशत भन्दा बढी मतदान हुनेमा आयोग विश्वस्त रहेको बताए ।उनले आज साँझ ५ बजे मतदान कार्य सम्पन्न हुनासाथ सबै मतपेटिकाहरु संकलन गर्ने कार्य प्रारम्भ हुने र ७ बजेसम्म मतपेटिका संकलन गरी एक घण्टा छलफलको समय राखेर आज नै रातिबाट मतगणना कार्य प्रारम्भ हुने बताए ।
यस्तै, हिमाली जिल्लामा मतपेटिकाहरु आज नै जम्मा गर्न नसकिने भएकाले भोलि बिहान ५ बजेसम्म सबै मतपेटिक जम्मा गर्ने र आवश्यक परे हेलिकप्टरबाट मतपेटिका संकलन गरी भोलि ५ बजेबाट नै मतगणना कार्य प्रारम्भ गर्ने उनले बताए ।
