हेटौंडा टुडे
हेटौंडा । मकवानपुरको बकैया गाउँपालिका ४,गरगरे स्थित बकैया आधारभूत अस्पतालमा तीनदिने निःशुल्क आँखा जाँच तथा मोतिविन्दुको शल्यक्रिया शिविर हुने भएको छ ।
आउँदो फागुन २ गतेदेखि ४ गतेसम्म तीनदिने निःशुल्क आँखा जाँच तथा शल्यक्रिया शिविर कार्यक्रम गर्न लागिएको आयोजक बकैया जेसिजका कार्याकारी उपाध्यक्ष जितेन्द्र दाहालले जानकारी दिए ।
उनका अनुसार शिविरमा निःशुल्क आँखा जाँच, चस्मा जाँच र निःशुल्क मोतिविन्दुको शल्यक्रिया हुनेछ ।
जेसिजले गाउँपालिकाको आर्थिक सहयोग र नेपाल आँखा अस्पताल त्रिपुरेश्वर, काठमाडौंको प्राविधिक सहयोगमा शिविर गर्न लागेको हो ।
बकैया जेजिसले गाउँपालिकामा युवा व्यक्तित्व विकाससँगै विभिन्न सामाजिक सेवामूलक कार्यहरु गर्दै आएको छ ।
सेयर गर्नुहोस्
