हेटौंडा टुडे
हेटौंडा|धरान–चतारा सडकखण्ड अन्र्तगत पर्ने मकवानपुर बकैया गाउँपालिका वडा नम्वर ५, तिनतल्लेमा गएराति गुडिरहेको ट्रकमा आगलागी भएको छ ।
हेटौंडाबाट सिन्धुलीतर्फ जाँदै गरेको ना. ७ ख ५०४५ नम्बरको सिमेन्ट लोड ट्रकमा अचानक ईन्जिनमा समस्या आई सडकको नालीमा कोल्टे पर्न गई आगलागी भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरी नायव उपरीक्षक कार्कीका अनुसार, उक्त ट्रकमा लागेको आगो हेटौंडा उपमहानगरपालिकाको दमकल , प्रहरी र स्थानीयको सहयोगमा २ घण्टापछि नियन्त्रणमा आएको थियो ।
आगलागीबाट ट्रकको अगाडिको भाग र केही सिमेन्ट नष्ट जलेर नष्ट भएको जनाइएको छ । उक्त घटनामा परेर मानवीय क्षति भने नभएको प्रहरी नायव उपरीक्षक कार्कीले बताए ।
सेयर गर्नुहोस्
