भिमफेदी–८ मा रहेको हाईडोपावरको ड्याममा शव फेला

हेटौँडा । भिमफेदी–८ मा रहेको माण्डु हाईडोपावरको ड्याममा शव भेटिएको छ । आइतबार बिहान भिमफेदी–८ माण्डु स्थित बागमती खोलामा रहेको माण्डु हाईडोपावरको पानि जम्मा गरी फोहोर छुट्ट्याउने ठाउँमा एउटा शव फेला परेको मकवानपुर प्रहरीले जनाएको छ । शनाखन हुन नसकेको मगंलियन अनुहारकी १६÷१७ बर्षको जस्तो देखिने किशोरीको शव फेला परको मकवानपुरका प्रहरी प्रवक्ता डिएसपी टेक बहादुर कार्काीले जनाएका छन् । घटनास्थलमा ईलाका प्रहरी कार्यालय भिमफेदीबाट प्रहरी निरीक्षकको कमाण्डमा टोलि खटि गएको र शवको मुचुल्का गरी पोस्टमार्टमका लागि हेटौँडा ल्याइएको जनाइएको छ ।