हेटौंडा टुडे
हेटौंडा । पालुङ जेसीज बर्ष २०२५ को जेसीज सप्ताह कार्यक्रमको दोस्रो कार्यक्रम भारत–रत्न छात्रवृत्ति बितरण कार्यक्रम मंगलबार सम्पन्न भएको छ ।
छात्रवृत्ति कार्यक्रम अन्तरगत मंगलबार थाहा नगरपालिका वडा नं. ११ स्थित कालीदेवी प्रा.वि. मा अध्ययनरत ३२ जना बिद्यार्थीहरुलाई स्टेसनरी सामग्री प्रदान गरिएको थियो ।
पालुङ जेसीज बर्ष २०२५ का कार्यकारिणी उपाध्यक्ष एवम् जेसीज सप्ताह मूल कार्यक्रम संयोजक अजित कार्कीको अध्यक्षता एवम् बिद्यालयका प्रधानाध्यापक रुपक उप्रेतीको प्रमुख आतिथ्यतामा कार्यक्रम सञ्चालन भएको हो । कार्यक्रममा पालुङ जेसीजका निवर्तमान अध्यक्ष निरज रायमाझी, महासचिव सुविन्द्रमान प्रधान, कोषाध्यक्ष अजय कार्की, सहमूल कार्यक्रम संयोजक बिकेशबाबु बस्नेत, कार्यक्रम संयोजक रबि कार्की लगायतको बिद्यालयका शिक्षक बिद्याथीहरुको उपस्थिति रहेको थियो । कर्यक्रलाई पालुङ जेसीज बर्ष २००८ का अध्यक्ष भरत गोपालीले प्रायोजन गरेका थिए । सप्ताह कार्यक्रमको तेस्रो कार्यक्रम अन्तरगत बुधबार कृष्णतारा न्यानो कपडा बितरण कार्यक्रम संचालन हुनेछ ।
सेयर गर्नुहोस्
