आज पनि सुनचाँदीको मूल्य घट्यो

हेटौंडा । नेपाली बजारमा सुनचाँदीको मूल्य आज पनि घटेको छ । आज सुनको मूल्य तोलामा १ हजार १०० रुपैयाँले घटेको हो ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा २ लाख ६१ हजार रुपैयाँ कायम भएको छ । यसअघि मंगलबार छापावाल सुनको मूल्य प्रतितोला २ लाख ६२ हजार १०० रुपैयाँमा कारोबार भएको थियो ।

यस्तै आज चाँदीको मूल्य तोलामा १२० रुपैयाँले घटेर प्रतितोला ४ हजार ४७० रुपैयाँ कायम भएको महासंघले जनाएको छ ।