हेटौंडा टुडे
हेटौंडा । नवलपुरको कावासोती नगरपालिका-१४ अग्यौलीमा तीनवटा मोटरसाइकल एक आसपमा ठोक्किँदा एक जनाको मृत्यु भएको छ।दुर्घटनामा परी दुई जना घाइते भएका छन् ।
जिल्ला प्रहरी कार्यालय नवलपुरका अनुसार कावासोती नगरपालिका–१४ अग्यौलीस्थित भित्री सडक खण्डमा ग प्र ०४–००१ प ८५९२, प्रदेश ०३–०३ प २५२१ र ग प्र ०४–००२ प १८४७ नम्बरको मोटरसाइकल गएराति एकआपसमा ठोक्किएको थियो ।
दुर्घटनामा परी गम्भीर घाइते देवचुली नगरपालिका १७ निवासी २८ वर्षीय ओम प्रकाश खोजवारलाई उपचारको लागि मध्यविन्दु प्रादेशिक अस्पताल डण्डा पठाएकोमा राति नै चिकित्सकले मृत घोषणा गरेको प्रहरीले जनाएको छ ।
अन्य दुई जना भने सामान्य घाइते रहेको प्रहरीले जनाएको छ । प्रहरीले तीनवटै मोटरसाइकल नियन्त्रणमा लिएको छ।
सेयर गर्नुहोस्
