हेटौंडा टुडे
हेटौंडा। साताको पहिलो दिन आइतबार नेपाली बजारमा सुनचाँदीको मूल्य घटेको छ । यस दिन सुन प्रतितोला २ लाख ९० हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । गत शुक्रबार सुन प्रतितोला २ लाख ९३ हजार ७ सय रुपैयाँमा कारोबार भएको थियो । शुक्रबारको तुलनामा आइतबार सुनको मूल्यमा २ हजार ८ सय रुपैयाँको गिरावट आएको हो ।
आइतबार चाँदीको मूल्य प्रतितोला ५ हजार १० रुपैयाँ कायम भएको छ । गत शुक्रबार चाँदीको मूल्य प्रतितोला ५ हजार १ सय १५ रुपैयाँ थियो । गत शुक्रबारको तुलनामा आइतबार चाँदी प्रतितोला १ सय ५ रुपैयाँले घटेको हो ।
सेयर गर्नुहोस्
