राजपूतको आत्महत्या प्रकरणमा अर्को एउटा ठूलो मोड

टुडे संवादाता
२४ श्रावण २०७७, शनिबार १५:५६

बलिउड अभिनेता सुशान्त सिंह राजपूतको आत्महत्या प्रकरणमा अर्को एउटा ठूलो मोड आएको छ । पछिल्ला केही दिन यता दैनिक नयाँ नयाँ मोड दिएको उनको घटनामा सिद्धार्थ पठानीका कारण अर्को मोड आएको हो ।

घटनामा सिद्धार्थ पठानीको कुरा किन महत्वपूर्ण छ भने उनी सुशान्तसँग एउटै फ्ल्याटमा बस्ने गरेका थिए । अब उनको यो कुराले यो घटनामा उनी पनि संलग्न थिए कि भन्ने अनुमान पो बाहिर आउन थालेको छ ।

भारतीय मिडिया लाइभहिन्दुस्तानमा आएको समाचारअनुसार केही दिनअघि सिद्धार्थले रिया चक्रवर्तीलाई आफूले नचिन्ने बताएका थिए । रिया सुशान्तकी प्रेमिका हुन् र उनीविरुद्ध अहिले सुशान्तका बाबुले किटानी जाहेरी दिएका छन् ।

रियालाई नचिन्ने बताए पनि अब के खुलासा भएको छ भने यी दुई पनि एक वर्ष यता फोनमा कुरा गर्न थालेका थिए । उनीहरुबीच एक वर्षमा कम्तिमा पनि १०० पटक फोनमा कुराकानी गरेको डिटेल्स प्रहरीले फेला पारेको छ । रियाको फोन डिटेलबारे प्रहरीले अनुसन्धान गर्न थालेपछि यस्तो खुलासा हुन थालेको हो ।

यसमा तपाइको मत

Your email address will not be published. Required fields are marked *


*