टुडे संवादाता 
हेटौंडा/उद्योग वाणिज्य संघ मकवानपुरको ५४ औं वार्षिक साधारण सभामा चैत्र २१,२२ र गते हुने निर्वाचनमा अध्यक्ष पदका लागी कृष्ण कुमार गुप्ता अग्रवालले उमेद्वारी दिनुभएको छ । संघका वर्तमान उपाध्यक्ष समेत रहनुभएका अग्रवालले आगामी निर्वाचनकालागी अध्यक्ष पदमा उम्मेदवारी घोषणा गराउनुभएको हो ।
२०३९ सालमा खाद्यान्न व्यवसाय बाट ब्यबसायीक क्षेत्रमा प्रवेश गरेका अग्रवालले २०४२ सालमा उद्योग वाणिज्य संघ मकवानपुरको साधारण सदस्यता प्राप्त गरेका थिए । १३ वर्ष अघिको निर्वाचनमा कार्यसमिति सदस्य पदमा विजयी भएका अग्रवालले दुई कार्यकाल सदस्यको भमिका निर्वाह गरे ।
त्यस्पछि व्यवसायीहरुको साथ र सहयोगकै कारण अग्रवाल उपाध्यक्ष पदमा समेत विजयी भए ।व्यवसायीको हक हितका लागी आवाज उठाउदै आएका अग्रवाल दोस्रो कार्यकाल फेरी उपाध्यक्ष पदमा विजियी भए ।गत वर्ष कारोना भाईरस संङक्रमण कारण देशमा लकडाउन र निषेधाज्ञा जारी भएपछि ब्यबसायी र उद्योगीहरु ठुलो आर्थिक संकटमा परे ।
कोभिडका कारण बन्द भएको व्यवसाय तथा उद्योग संञ्चालन गराउन अग्रवालले जिल्ला प्रशासन कार्यालय र प्रहरी कार्यालय संग समन्वय गरेर उद्योगी ब्यबसायीहरुलाई व्यवसाय संञ्चालन गर्न महत्वपुर्ण भुमिका खेलेका थिए ।उनले व्यवसाय सबल भए मात्र उद्योग वाणिज्य संघ बलियो हुने भन्दै आफुले सबै भन्दा पहिले ब्यबसायीको हक हितमा काम गरेको बताउनुभयो ।
आगामी चैत्र २३ गते हुने निर्वाचनमा ब्यबसायहिरुको साथ लिएर अघि बढ्ने उहाँले बताउनुभयो ।आफु अध्यक्ष पदमा निवार्चित भएपछि सबैभन्दा पहिले बन्द भएका उद्योग संञ्चालन गराउन पहल गर्ने अध्यक्ष पदका उम्मेदवार अग्रवालले बताउनुभयो । उहाँले कृषि उत्पादनलाई बिक्रि वितरण गर्ने तरकारी बजार ब्यबस्थापन गर्न तिनै तहको सरकार संग आवश्यक समन्वय गर्ने बताउनुभयो । साधुरो हेटाँैडा बजारमा पार्किङ अस्थब्यस्थ भएका कारण ब्यबसायीहरुलाई परेको समस्या समाधान गर्न सम्बन्धीत निकाय संग समन्वय गरी ब्यबसायीलाई सहज वातावरण तयार गर्ने उहाँले बताउनुभयो ।
व्यवसायीहरुको सुरक्षका लागी बजारमा सिसि क्यामेरा जडानका लागी स्थानिय सरकार संग समन्वय गर्ने उहाँले बताउनुभयो ।ब्यबसायी उद्योगीहरुको हरेक समस्या समाधनका लागी अहोरात्र खटिने अध्यक्ष पदका उम्मेदवार अग्रवालले बताउनुभयो । निरन्तर व्यवसायीहरुको हक हितमा खटिएको भन्दै अग्रवालले संघका पुर्व अध्यक्षहरुको समेत साथ सहयोग पाएको र आम व्यवसायीहरुको विश्वास र साथ लिएर अघि बढ्ने उहाँले बताउनुभयो ।
भिडियो हेर्न यहाँ क्लिक गर्नुहोस
