विश्वकप खेल्न गएका श्रीलंकाली क्रिकेटर अष्ट्रेलियामा पक्राउ

हेटौंडा टुडे
२० कार्तिक २०७९, आईतवार ११:५५

हेटौडा -श्रीलंकाली क्रिकेटर दानुष्का गुणातिलका अष्ट्रेलियाको सिड्नीमा पक्राउ परेका छन् । समाचार एजेन्सी पीटीआईले टोलीको एक स्रोतलाई उद्धृत गर्दै श्रीलंकाको टोलीले उनलाई सिड्नी छोडेर बाँकी टिम स्वदेश फर्किएको बताएको छ । दानुष्का बलात्कारको आरोपमा पक्राउ परेका हुन् ।

क्रिकेट समीक्षक रेक्स क्लेमेन्टाइनले सामाजिक सञ्जालमा शनिबार गुणातिलकालाई बलात्कारको आरोपमा पक्राउ गरिएको जानकारी दिएका छन् । उनले लेखेका छन्, ‘गुणतिलका तीन साताअघि घाइते भएका थिए, त्यसपछि एसेल बन्दाराले टोलीमा स्थान पाएका थिए । तर टिम व्यवस्थापनले उनलाई फिर्ता पठाउनुको सट्टा अष्ट्रेलियामै राखेको थियो ।’

गुणतिलका विश्वकप खेल्न अस्ट्रेलिया गएका भए पनि घाइते भएका कारण खेल्न पाएनन् । उनको ठाउँमा एसेल बन्दारालाई टिममा राखिएको थियो । यस मामिलामा, सिड्नी प्रहरीले एक विज्ञप्ति जारी गर्दै भनेको छ कि गत हप्ता सिड्नीमा एक महिलासँग कथित यौन दुराचारको आरोपमा श्रीलंकाली नागरिकलाई पक्राउ गरिएको छ।

विज्ञप्तिमा कसैको नाम नखुलेको र चारवटा बलात्कार मुद्दामा पक्राउ परेको बताइएको छ । प्रहरीका अनुसार यी महिला विगत केही दिनदेखि अनलाइन डेटिङ एपमार्फत आरोपीसँग कुरा गरिरहेकी थिइन् । त्यसपछि दुवैको भेट भयो । उक्त घटना नोभेम्बर २ मा आफूमाथि भएको महिलाले आरोप लगाएकी छन् ।

यस मामिलामा आइतवार सिड्नीको ससेक्स स्ट्रिटमा रहेको होटलबाट ३१ वर्षीय पुरुषलाई पक्राउ गरिएको थियो ।

यसमा तपाइको मत

Your email address will not be published. Required fields are marked *


*