हेटौंडा टुडे
अमेरिकाको लुइजियाना राज्यस्थित लुइजियाना टेक युनिभर्सिटीमा अध्ययनरत दुई नेपाली विद्यार्थीको कार दुर्घटनामा मृत्यु भएको छ। सोमबार भएको दुर्घटनामा परी २२ वर्षीय राजन यादव र २० वर्षीय रोजिन ओलीको मृत्यु भएको हो । स्थानीय समयअनुसार शनिबार राति करिब ९ बजे भारी वर्षा भइरहेको बेला दुर्घटना भएको लुइजियाना राज्य प्रहरीले जनाएको छ । रोजिनको स्थायी ठेगाना दाङ, रहेको पुष्टि भएको छ भने राजन यादवको ठेगाना खुलाइएको छैन।
यादवले चलाइरहेको सन् २०१० को होन्डा एकर्ड कार युएस हाइवे ८० मा पूर्वतर्फ गइरहेको थियो । अचानक नियन्त्रण गुमाउँदा कार सडकबाट चिप्लिएर रुखमा ठोक्किएको र त्यसलगत्तै गाडीमा आगो लागेको जनाएको छ । कारमा सवार अन्य दुई जना विद्यार्थी भने घाइते भएका छन् र उनीहरूलाई उपचारका लागि स्थानीय अस्पतालमा भर्ना गरिएको छ । घाइतेहरूको अवस्थाबारे विस्तृत विवरण सार्वजनिक गरिएको छैन ।
घटनाको थप विवरण अनुसन्धान पछि सार्वजनिक गरिने जनाइएको छ।
