हेटौंडा टुडे
हेटौंडा। बागमती प्रदेश सरकारका ४ जना मन्त्रीले राजीनामा दिएका छन्। राजीनामा दिने चारै जना कांग्रेसबाट मन्त्री बनेका हुन् ।
सरकारका सहकारी तथा गरिबी निवारण मन्त्री मदुकुमार श्रेष्ठ, संस्कृति तथा पर्यटन मन्त्री विमल ठकुरी, आन्तरिक मामिला तथा कानून मन्त्री सुरजचन्द्र लामिछाने र युवा तथा खेलकुद मन्त्री मिनकृष्ण महर्जनले पदबाट राजीनामा दिएका हुन्। बागमती प्रदेश सरकारमा मुख्यमन्त्री सहित ८ जना मन्त्रीहरु छन्। कांग्रेस संसदीय दलका नेतासमेत रहेका मुख्यमन्त्री बहादुरसिंह लामालाई हटाउने पहलस्वरुप चार मन्त्रीले राजीनामा दिएको स्रोतले जनाएको छ ।
सेयर गर्नुहोस्
