हेटौंडा टुडे
हेटौंडा । फागुन २१ गते हुने प्रतिनिधि सभा निर्वाचनका लागि मकवानपुरमा दुई वटा अस्थायी मतदानस्थल स्थापना गरिएको छ।
भीमफेदी-५ मा रहेको भिमफेदी कारागार र जिल्ला प्रशासन कार्यालय मकवानपुर गरी एक-एक वटा अस्थायी मतदानस्थल रहने प्रदेश निर्वाचन कार्यालय हेटौंडाका प्रमुख हरीप्रसाद ढकालले बताएका छन्। क्षेत्र नम्बर २ अन्तर्गत भिमफेदी कारागर र क्षेत्र नम्बर १ अन्तर्गत प्रशासन कार्यालयमा रहने अस्थायी मतदानस्थलका लागि कुल ३ हजार ३०७ मतदाता कायम गरिएको छ ।
भीमफेदी कारागारमा ९ सय ९५ कैदीबन्दी रहे पनि मतदाता नामावलीमा ७५ जनाको मात्र नाम समावेश छ, जसमा ३ जना महिला र ७२ जना पुरुष रहेका छन्। अन्य कैदीबन्दीको नाम मतदाता सूचीमा नरहेको कारागार स्रोतले जनाएको छ। अस्थायी मतदानस्थलका मतदाताले समानुपातिकतर्फ मात्र मतदान गर्न पाउने व्यवस्था छ।
सेयर गर्नुहोस्
