हेटौंडा टुडे संवादाता 
कोरोना भाईरसको कारणले गरिएको लगडाउनले गर्दा हिडेर आ(आफ्नो घर सम्म जान बाध्य हुनुहुने व्यक्तिहरू, सुरक्षामा अनवरत रूपमा बजारमा खटिरहनु भएका सुरक्षाकर्मीहरूलाई शुद्ध पिउने पानी र खाजा खुवाउने अभियानमा हेटौंडा ४ स्थित बाईपास रोडमा सन्चालन भै रहेको छ । १४ गतेबाट सुरू गरिएको अभियान आज छैठौं दिनमा पनि सन्चालन भै रहेको छ । नेचुरल वेभरेजका सन्चालक ध्रुब प्रसाद अधिकारी र न्यु राजु फिस सप्लायर्सका सन्चालक मुकेश कुमार शाहले शुरूवात गर्नुभएको यो अभियानमा विभिन्न सहयोगी हातहरू जोडिदै जानु भएको छ । आज सम्म एम जि शोरूमको सन्चालक विजय श्रेष्ठ र देव खत्रि, एन्टाटीक बिस्कुटको तर्फबाट रामहरि न्यौपाने, प्रवेश धिताल कुन्दन, महेश प्रसाद चौधरी र प्रकाश प्रसाद शाह लगायतले सहयोग उपलब्ध गराउनु भएको छ ।
यो अभियानको लागि आवश्यक सम्पूर्ण पानि नेचुरल वेभरेज अमृत जल हेटौंडा ९ ले उपलब्ध गराएको छ । अभियानको संयोजन हेटौंडा उपमहानगरपालिका, टोल विकास संस्था नगर समन्वय समिति र हेटौंडा एरियामा रहेका सम्पूर्ण लायन्स तथा लियो क्लबहरूले गरिरहेको छ । यो अभियानमा हेटौडामा दैनिक ५०० भन्दा बढीलाई खाजा तथा पानीको सेवा उपलब्ध गराउदै् आएको नेचुरल वेभरेजका सन्चालक ध्रुब प्रसाद अधिकारी जानकारि दिनुभयो ।
