टुडे संवादाता 
हेटौंडा/मकवानपुर उद्योग वाणिज्य संघ (मउवासंघ) को निर्वाचन मंगलबार (आज)भईरहेको छ । हेटौंडाको पल्पसा सभागृहमा भएको मउवासंघको निर्वाचनमा बिहान ९ बजेबाट अपरान्ह ४ बजेसम्म मतदान गर्न पाईने छ । उक्त समय भित्र आईपुगेका निर्वाचन हाताभित्र मतदान गर्ने लाइनमा बसेकाहरुले मतदान गर्न पाउने छन् ।
निर्वाचनमा दुईवटा प्यानलका बीच कडा प्रतिस्पर्धा हुने देखिएको छ । अध्यक्ष पदका लागि पूर्व अध्यक्ष राजकुमार न्यौपाने र वर्तमान उपाध्यक्ष कृष्ण गुप्ता अग्रवालका बीच कडा प्रतिस्पर्धा हुने देखिएको छ । २६ जना नेतृत्वको लागि ५४ जनाको उम्मेदवारी परेको निर्वाचन अधिकृत ढकालले बताएका छन् ।
मतदान स्थलमा प्रचारप्रसार भने गर्न नपाइने जनाइएको छ । पल्पसा हल बाहिर उम्मेदवार र अन्य सहयोगीहरुले मतदातासँग मत मागिरहेका छन् ।
(हेर्नुहोस फोटो)
सेयर गर्नुहोस्
