हेटौंडा टुडे
हेटौंडा | हेटौंडा उपमहानगरपालिका वडा नमवर १० गोरक्षस्वर मन्दिरस्थित पूर्व–पश्चिम सडकखण्डमा बिहीबार दिउँसो सवारी दुर्घटना हुँदा एक जना गम्भीर घाइते भएका छन् ।
दिउँसो साढे २ बजेको समयमा बाराबाट चितवनतर्फ जाँदै गरेको एनआई ०१ के ७३४२ नम्वरको ईण्डियन ग्यास बुलेटको पछाडी जाँदै गरेको बागमती प्रदेश ०३–००५ प ४३७७ नम्वरको स्कुटर ठक्कर खान गई दुर्घटना हुँदा एक जना गम्भीर घाइते भएका हुन् ।
घाइते हुनेमा स्कुटरमा सवार हेटौंडा उपमहानगरपालिका वडा नम्वर १२ पदमपोखरी बस्ने ३२ वर्षीय तारा बहादुर लामा रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
घाइते लामालाई उपचारको लागि हेटौंडा अस्पताल लगिएको र उनको टाउको, कान र छातिमा भित्री चोट रहेको प्रहरी नायव उपरीक्षक कार्कीले बताए ।
ईण्डियन ग्यास बुलेट, चालक र स्कुटर प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको जनाइएको छ ।
