हेटौंडा टुडे
हेटौंडा । आधुनिक जीवनशैली, मोबाइल र कम्प्युटरको अत्यधिक प्रयोग, प्रदूषण, असन्तुलित आहार, अनि निद्राको कमीले गर्दा आँखाको समस्या दिनप्रतिदिन बढिरहेको छ। आँखाको ज्योती राम्रो बनाउन घरेलु खानेकुरामा ध्यान दिन आवश्यक छ । दृष्टि धमिलो हुने, आँखामा सुख्खा हुने, चसक्क दुख्ने वा चस्मा लाग्ने समस्या अब उमेर विशेषको मात्र नभई सबै पुस्ताको साझा चिन्ता बनेको छ। यिनै समस्याबाट बच्न प्राकृतिक उपायहरू खोज्न थालिएको छ, जसमा विशेषगरी फलफुलको भूमिका अत्यन्त महत्त्वपूर्ण छ।
आँखाको ज्योति बढाउने प्रमुख फलफुलहरू
१)गाजर
गाजर प्रत्यक्षरूपमा फल नभए पनि धेरैले फलसरह प्रयोग गर्छन्। यसमा प्रशस्त मात्रामा बेटा—क्यारोटिन हुन्छ, जुन शरीरमा पुगेर भिटामिन ए मा रूपान्तरण हुन्छ। नियमित गाजर सेवनले दृष्टि स्पष्ट राख्न मद्दत गर्छ।
२)किवी
किवीमा भिटामिन सी, लुटेइन, र जिओक्सान्थिन हुन्छ। यी तत्वहरूले आँखाको रेटिना सुरक्षित राख्छन् र दृष्टि धमिलो हुने सम्भावनालाई घटाउँछन्।
३)अंगुर
कालो रङको अंगुरमा एन्टिअक्सिडेन्ट र रेस्भेराट्रोल हुन्छ, जसले आँखालाई सुरक्षात्मक कवच दिन्छ। अध्ययनहरूले देखाउँछन् कि अंगुरले आँखाको रातो भाग लाई रक्षा गर्छ।
४।पपीता
पपीतामा भिटामिन ए र सी उच्च मात्रा हुन्छ। यसले आँखाको दृष्टिकोण राम्रो राख्न र संक्रमणबाट जोगाउन मद्दत गर्छ।
५)आँप
आँप पनि बेटा—क्यारोटिन को उत्कृष्ट स्रोत हो। यसले आँखाको शुष्कता हटाउँछ र दृष्टि प्रष्ट राख्न सहयोग पुर्याउँछ।
६) सुन्तला र कागती जातका फलहरू
यी फलमा भिटामिन सी प्रचुर मात्रामा पाइन्छ, जसले आँखाको कोषहरूमा क्षति हुनबाट जोगाउँछ।
७। एभोकाडो
यसमा लुटेइन तथा जिओक्सान्थिन हुन्छ, जसले मोतिबिन्दु तथा दृष्टि धमिलो हुने समस्याबाट जोगाउँछ।
दृष्टि सुधारको लागि फलफुल मात्र होइन, सन्तुलित आहार, पानीको पर्याप्त सेवन, र राम्रो निद्राको पनि उत्तिकै आवश्यकता पर्छ। त्यसैगरी हरियो सागसब्जीहरु पनि प्रसस्त खानु पर्दछ। हरियो सागसब्जीमा पाइने भिटामिन लगायतका पोषकतत्वले आँखाको ज्योती राम्रो बनाउन सहयोग गर्छ । फलफुलहरू पनि विशेषगरी लुटेइन र भिटामिन ए युक्त फलहरू, आँखाका लागि वरदान हुन्।
