हेटौंडा टुडे
हेटौंडा। नेपालका ओपनर कुशल भुर्तेलले एसियन गेम्स पुरुष क्रिकेट छनोटअन्तर्गत समूह चरणको अन्तिम खेलमा मलेसियाविरुद्ध शतक प्रहार गरेका छन् । बिहीबार सिंगापुर नेसनल क्रिकेट ग्राउन्डमा कुशलले ४४ बलमा शतक पूरा गरेका हुन् । उनले १० चौका र सात छक्का प्रहार गरे ।
टी २० अन्तर्राष्ट्रियमा कुशलको यो लगातार दोस्रो तथा समग्रमा तेस्रो शतक हो । उनले यही प्रतियोगितामा चीनविरुद्ध पनि शतक प्रहार गरेका थिए । कुशलले पहिलो विकेटका निम्ति आसिफ शेखसँग १३४ रनको साझेदारी गरे । आसिफ ६८ रन बनाएर पभेलियन फर्किएका थिए ।
सेयर गर्नुहोस्
