डाइबेटिज, कोलस्ट्रोल, रुघाखोकी, मुखमा हुने घाउ-खटिरा जस्ता रोगबाट छुटकारा पाउन यसो गर्नुहोस्

हेटौडा टुडे
२९ पुष २०७६, मंगलवार ११:४५

हाम्रो गाउँठाउँमा सजिलै उपलब्ध हुने अमला फलमा पोषणको मात्रा अत्यधिक लुकेको हुन्छ । यो फलमा उपलब्ध मिनरल्स र भिटामीनले हाम्रो शरीरलाई आवश्यक पोषण दिने मात्र नभई यसले शरीरमा रोग समेत लाग्न दिँदैन ।

अमला, काँचो, जुस बनाएर वा यसको धुलो वा अचार, जामका रुपमा तपाईं आफ्नो डायटका रुपमा प्रयोग गर्न सक्नुहुन्छ । अमलामा भिटामीन सीको मात्रा अत्यधिक लुकेको हुन्छ जसका कारण यसको प्रयोग गर्नाले शरीरको इम्यूनिटी पावरमा बृद्धी हुने र भाइरल तथा किटाणुहरुको नाश गर्छ ।

यसको प्रयोगले रुघाखोकी लाग्न पाउँदैन । यसमा आबद्ध पोषण लगायत पोलीफेनोल्स भन्ने तत्वले क्यान्सरका तन्तुहरु बिरुद्ध लड्न मद्धत पुर्याउँछ । आयुर्वेदका अनुासर, अमलाले शरीरका तन्तुहरुलाई ब्यालेन्समा राख्ने काम गर्छ ।

आयुर्वेदका अनुसार, अमलामा आबद्ध भिटामीन सी मा विषादी नाशक प्राकृतिक गुण आबद्ध हुन्छ जसले शरीरमा हानिकारक जिवाणुहरुलाई प्रवेश गर्न दिदैन । यसले छालालाई नरम, कपाललाई स्वस्थ्य तथा इम्युन सिस्टमलाई बलियो बनाउने काम गर्छ । प्रत्येक बिहान खाली पेटमा एउटा अमला खानेगर्नाले पाचन प्रक्रिया बलियो हुने, छाला सफा हुने, कपाल बलियो तथा आँखाको ज्योती राम्रो हुन्छ ।

अमलाका अन्य फाइदाहरु
१. रुघाखोकी, फ्लु, मुखमा हुने घाउ तथा खटिरा जस्ता रोगको उपचारमा आधा चम्चा मह र एउटा अमला नियमित सेवन गर्नुहोस् । २. नियमित रुपमा अमला सेवन गर्नाले कोलस्ट्रोल नियन्त्रण हुन्छ । यसले मुटु जन्य समस्याहरु आउँन दिदैन भने मुटुमा देखिने समस्यालाई समेत निको पार्छ ।

३. अमला सेवन गर्नाले डाइबेटिज नियन्त्रण हुनुका साथै स्वासप्रश्वास सम्बन्धी समस्याहरु आपसेआप हराएर जान्छ । ४.अमलाले कलेजोलाई बलियो बनाउनुका साथै विषादीाई शरीरबाट बाहिर फाल्ने काम गर्छ ।

५. अमलामा भीटामिन सी का साथै आइरन, क्यालसियम, फसफोरसको मात्रा अत्यधि रुपमा उपलब्ध हुन्छ । तसर्थ दैनिक रुपमा अमला खानाले स्वास्थमा फाइदै फाइदा प्राप्त हुन्छ ।६. हाम्रो कपाल स्वस्थ राख्नका लागि प्रोटिनको आवश्यकता पर्दछ । अमलामा उपलब्ध अमिनो एसीड र प्रोटिनले कपाललाई बढ्न, कपाल झर्ने समस्यालाई रोक्न र कपालको जरालाई बलियो बनाउनुका साथै चायाँ पर्न दिदैन ।

७. अमला नियमित रुपमा सेवन गर्नाले डण्डिफोर आउँनपाउँदैन र अनुहारमा चमक तथा सुन्दरता प्राप्त हुन्छ ।

नोट: माथि उल्लेखित स्वास्थ्य सम्बन्धि जानकारी विभिन्न अनलाइन तथा पत्र-पत्रिकाहरुबाट साभार गरिएको हो। यी बिषयवस्तुहरु केवल जानकारीको लागी मात्र यहाँहरु समक्ष प्रस्तुत गरेका हौँ। कुनै पनि स्वास्थ्य सम्बन्धि टिप्सहरु प्रयोग गर्नु भन्दा पहिला अनिवार्य रुपमा चिकित्सकको सल्लाह लिनुहोला।

यसमा तपाइको मत

Your email address will not be published. Required fields are marked *


*