टुडे संवादाता 
हेटौंडा/हेटौंडा उपमहानगरपालिका वडा नम्बर १० सब्जीमण्डी नजिकै एक पुरुषको शव फेला परेको छ । शनिवार (आज) दिउँसो मृत शव फेला परेको जिल्ला प्रहरी कार्यालय मकवानपुरले जनाएको छ ।
जिल्ला प्रहरी कार्यालय मकवानपुरका प्रवक्ता इन्द्रबहादुर रानाका अनुसार, हेटौंडा–१० स्थित अन्दाजी ३० वर्षीय एक पुरुषको शव फेला परेको हो ।
प्रवक्ता रानाका अनुसार, मृतक पुरुषको हालसम्म सनाखत नभएको र घटनाको विषयमा थप अनुसन्धान भइरहेको छ ।
मृतक ती पुरुष हेटौँडा बजार आसपासमा कवाडी सामग्री बटुल्दै हिडनेगरेको बुझिएको प्रवक्ता रानाले बताए ।
सेयर गर्नुहोस्
