टुडे संवादाता 
हेटौंडा/ हेटौंडा आगामी माघ १६ गतेदेखि विजय युथ हेटौंडा गोल्डकप २०७७ हुने भएको छ ।
एफसी विजय यूथ हेटौंडाको आयोजनामा माघ १६ गते शहिद दिवसको दिनबाट सुरु हुने खेल २३ गते फाइनल खेल हुने आयोजकले जनाएको छ ।
प्रतियोगितामा आयोजक एफसी विजय यूथ र मकवानपुर ११ सहित विभिन्न जिल्लाका १० टिमको सहभागिता रहेको जनाइएको छ ।प्रतियोगिताको उद्घाटन खेल मकवानपुर ११ र सेन्ट्रल कलेज बीएफसी भरतपुरको बीचमा हुने आयोजकले जनाएको छ ।
प्रतियोगितालाई भिडोल लुब्रिकेन्ट्सले प्रायोजन गरेको उक्त प्रतियोगिता वन विज्ञान अध्ययान संस्थानको खेल मैदानमा हुने आयोजक एफसी विजय यूथका अध्यक्ष सुदिप राजबाहकले बताए ।
प्रतियोगिताको विजेताले नगद ३ लाख र उपविजेता टिमले एकलाख ५० हजार रुपैयाँसहित ट्रफी प्राप्त गर्ने कार्यक्रम संयोजक राजेश भेटवालले बताए ।
सेयर गर्नुहोस्
