हेटौंडा टुडे
हेटौंडा| हेटौंडा उपमहानगरपालिका वडा नम्वर १९, बस्तिपुर बस्ने बिरबहादुर घलानको बिहीबार खोलामा डुबेर मृत्यु भएको छ ।
५० वर्षीय घलानको बिहीबार बिहान साढे ११ बजेको समयमा हेटौंडा–१२, चकरी खोलामा डुबेर मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरी नायव उपरीक्षक कार्कीका अनुसार, घलानको शव नजिकै रहेको टिपर चालकहरुले डुबेको देखी पानीबाट पाखा लगाई प्रहरीलाई खबर गरेका थिए ।
मृतकको आफन्तसँग बुझ्दा उनलाई पहिला देखिनै क्षयरोग रहेको बुझिएको छ । उनको शव पोष्टमार्टमको लागि हेटौंडा अस्पतालको शव गृहमा लगिएको र पोष्टमार्टम पश्चात आफन्तको जिम्मा लगाइने प्रहरी नायव उपरीक्षक कार्कीले बताए ।
सेयर गर्नुहोस्
