बागमतीमा रुखले च्यापिएर एक जनाको मृत्यु

मकवानपुरको बागमती गाउँपालिका–३ देउजोरमा रुखले च्यापिएर एक जनाको मृत्यु भएको छ। स्थानीय सूर्यकिरण सामुदायिक वनमा ठेक्कामा रुख काट्ने क्रममा गए राति रुखले च्यापिएर एक जनाको मृत्यु भएको हो । मृत्यु हुनेमा इलामको इलाम नगरपालिका–९ का ४६ वर्षीय दिलकुमार लिम्बू रहेको जिल्ला प्रहरी कार्यालयका प्रवक्ता प्रहरी नायब उपरीक्षक श्यामु अर्यालले जानकारी दिनुभयो । मृत दिलकुमार लिम्बू शव परीक्षणका लागि हेटौँडा अस्पताल ल्याउने तयारी भइरहेकोे मकवानपुर रहरिले जनाएको छ ।