हेटौंडा टुडे
हेटौंडा। श्रम संस्कृति पार्टीका अध्यक्ष हर्कराज राई (साम्पाङ) ले गृहमन्त्री सुधन गुरुङ लाई राजीनामा दिन सुझाव दिएका छन् । मंगलबार सिंहदरबारमा सञ्चारकर्मीसँग कुरा गर्दै उनले गृहमन्त्रीसँग सम्बन्धित विषयहरू बारम्बार बाहिर आइरहेकाले पद छोड्दा उपयुक्त हुने बताएका हुन् ।
साम्पाङले हप्तामा दुई–तीन पटकसम्म नयाँ–नयाँ कुरा सार्वजनिक भइरहँदा सरकार र मन्त्रालयको छविमा असर पर्ने उल्लेख गरे ।
‘उहाँको जहिल्यै नयाँ नयाँ सुनिरहन्छ । त्यस्तो नहुँदा राम्रो हुन्थ्यो । हप्तामा दुई तीन पटक सुनिरहिन्छ । घरि के घरि के भनेर,’ उनले सुझाव दिँदै भने, ‘त्यसले गर्दा उहाँले मार्गप्रशस्त गरिदिँदा राम्रो हुन्थ्यो भन्ने सुझाव म दिन्छु ।’ उनले यस्तो अवस्थाले जनविश्वासमा समेत प्रश्न उठ्न सक्ने भन्दै जिम्मेवार पदमा बसेकाले नैतिक निर्णय आवश्यक हुने धारणा व्यक्त गरे।
सेयर गर्नुहोस्
