हेटौंडा टुडे
हेटौडा , असोज १०
नेपाल टेलिकमले बुधबारबाट हेटौंडासहित देशका २६ वटा शहरमा फोरजी सेवा शुरु गरेको छ । फोरजी सेवा चलाउनको लागि मोबाइल सेटसँगै सिमकार्ड पनि ‘फोरजी लाई सपोर्ट गर्ने खालको नै हुनुपर्ने छ ।
फोरजी सेवा लिनका लागि नेपाल टेलिकमले आफ्ना ग्राहकलाई हाल सञ्चालनमा रहेको सिमबाट फोरजी सेवा चल्ने वा नचल्ने बारे जानकारी लिन समेत आग्रह गरेको छ । टेलिकमले फोरजी सेवा सपोर्ट गर्ने वा नगर्ने जान्न *४४४# डायल गर्नुपर्ने जनाएको छ । टेलिकमले फोरजी सेवा नचल्ने सिमका लागि निशुल्क परिवर्तन गर्ने भएको छ । फोरजी सेवा नचल्ने सिमका लागि नजिकैको नेपाल टेलिकम कार्यालयबाट निःशुल्क रुपमा फोरजी सिम लिन सकिने भएको छ ।
सेयर गर्नुहोस्
