हेटौंडा टुडे
कार्तिक २४ हेटौडा,
मकवानपुरको हेटौंडा उपमहानरपालिका वडा नंबर ११ रातोमाटेमा ट्यांकरले बस र सुमोलाई ठक्कर दिदाँ आज ११ जना घाइते भएका थिए ।
अमलेखगञ्जबाट इन्धन बोकेर हेटौंडातर्फ आईरहेको लु १ ख ६५८२ नंबरको टयांकरले ना ४ ख ४३५१ को बस र ना १ ज ६२४४ नंबरको सुमोलाई ठक्कर दिएर अनियन्त्रित भई खोल्सामा पल्टिएको थियो।
घाईते हुनेमा बाराको जितपुर सिमरा उपमहारपालिका वडा नम्बर १ की ३२ वर्षकी भावना थापा, ३६ वर्षकी रेनू देवी मगर, ६ वर्षका पियासु भोम्जन, २७ वषकी सुशिला स्याङतान , २७ वर्षकी पवित्रा भोम्जन, २३ वर्षका रुदेल थापा, ५० वर्षकी लिला स्यांतान , २० वर्षकी ज्योति घिसिङ, ४ वर्षका पिगेश भोम्जन, र सोही स्थानकी २५ वर्षिय विमला स्याङबो घाइते भएका थिए । घाइते मध्ये आठ जना हेटौंडा अस्पतालमा सामान्य उपचार पछि घर फर्किएका छन भने बाकि तिन जना अवस्था गम्भिर भएकाले भरतपुर रिफर गरिएको छ । रिफर हुनेमा ५० वर्षकी लिला स्यांतान , ६ वर्षका पियासु भोम्जन र २७ वषकी सुशिला स्याङतान रहेको जिल्ला प्रहरी कार्यालय मकवानपुरले जनाएको छ ।
