हेटौडा टुडे संवादाता 
चैत्र ८ ,हेटौँडा/विश्वभर महामारीको रुपमा फैलिएको कोरोना भाईरसबारे सचेतना दिने तथा संक्रमबाट बच्न प्रयोग हुने माक्स, सेनिटाईजर तथा डिटोल साबुन वितरण गर्दै आएको सहयोगी मन नेपालले मकवानपुरको समाचार संकलनको लागि दिनरात खटने मकवानपुरे पत्रकारहरुको लागि माक्स तथा डिटोल उपलब्ध गराएको छ ।
न्युज क्लब नेपालको सहकार्यमा एक सय थान माक्स तथा डिटोल संस्थाले उपलब्ध गराएको हो । न्युज क्लब नेपालमा भएको माक्स वितरणपछि प्रतिक्रिया दिदै सहयोगी मन नेपालका अध्यक्ष केदारप्रसाद चौँलागाईले कोरोनाबाट बच्न पुर्वतयारी कार्य स्वरुप यस्तोखाले कार्यक्रमहरु गरेको बताए ।
माक्स तथा डिटोल न्युज क्लब मार्फत मकवानपुरका क्रियाशिल सम्पूर्ण सञ्चारकर्मीलाई उपलब्ध गराईने न्युज क्लब नेपालका अध्यक्ष धर्मेन्द्र दाहालले बताए । उनले आजैबाट कार्यालय परिषरबाट उक्त कार्यहुने समेत जानकारी दिए ।
सहयोगी मन नेपालले आजै प्रहरी कार्यालय चौघडामा कार्यरत प्रहरीहरुको लागि पनि डिटोल तथा माक्स वितरण गरेको छ । त्यसैगरि सहयोगी मनले मकवानपुरका विभिन्न वित्तिय सस्था, प्रहरी कार्यालयहरुमा समेत माक्स तथा डिटोल वितरण गरेको अध्यक्ष चौँलागाईको भनाई रहेको छ ।
