टुडे संवाददाता
जेठ २०, काठमाडौँ /नेपाल सरकारले घोषणा गरेको लकडाउनको उल्लङ्घन गरेर विना काम सवारी चलाउनेलाई प्रहरीले नियन्त्रणमा लिईएको छ । आम नागरिकहरूको अत्यावश्यक सेवा र कामलाई थपसहजीकरण गर्दै एक जिल्लाबाट अर्को जिल्लामा पुग्ने नाकाहरू, मुख्य सडकहरु तथा भित्री सडकहरूमा ट्राफिक प्रहरीले चेकजाँचमा थप कडाई गरेको छ ।
लकडाउन खुकुलो भन्ने गलत कुराको पछाडी नलाग्न महाशाखाले जनाएको छ ।आज मात्रै काठमाण्डौ उपत्यकामा लकडाउन उल्लङ्घन गर्ने १५८४ वटा २ पाङ्ग्रे र २ सय २२ वटा चार पाङ्ग्रे गरी जम्मा १,८०६ वटा सवारी साधनलाई नियन्त्रणमा लिएको महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भिमप्रसाद ढकालले जानकारी दिनुभयो ।
ढकालका अनुसार आज विहान ६ बजे देखि वेलुका ६ बजे सम्म उक्त संख्यामा नियन्त्रणमा लिएको बताईएको छ । कोरोना भाईरसको रोकथाम तथा संक्रमण रोक्नको लागि नेपाल सरकारले लकडाउन गरेको हो, लकडाउन एउटा व्यक्ति वा समुहको फाईदाको लागि गरिएको नभएरतपाई हाम्रो सम्पुर्णको सुरक्षाको लागि हो, यसको पूर्ण पालना गर्न तथा उच्च सुरक्षासतर्कता अपनाउन पनि ढकालले आग्रह गरे ।
महानगरीय ट्राफिक प्रहरी महाशाखाले दिनमा १५५ स्थान र रातमा ४५ स्थानमाचेकप्वाईन्ट राखि सवारी साधनहरू चेकजाँच गर्ने व्यवस्था मिलाएको छ । भित्रिएरियाको लागि भने मोटरसाईकलमा ट्राफिक प्रहरी खटाएको छ ।काठमाडौँ उपत्यकामा चैत्र ११ गतेदेखि आजसम्म लकडाउन उल्लङ्घन गर्ने४७,३३८ वटा सवारी साधनहरू नियन्त्रणमा लिईसकेको महाशाखाले जनाएको छ ।पास भएकालाई पनि विशेष निगरानीपास भएर पनि शान देखाउदैँ घुम्न निस्कने, तीव्र गतिमा कुदाउने, एक व्यक्तिकोनाममा भएको पास अर्को व्यक्तिलाई दिने उपर महाशाखाले विशेष निगरानी तथा चेकजाँच गरि कारबाही गर्न थालेको प्रवक्ता एसपी जीवन कुमार श्रेष्ठले बताउनुभयो ।
]दैनिक रुपमा संक्रमितको संख्या बढ्दै गइरहेको अबस्थामा सडक प्रयोगकर्ताहरुसंग प्रत्यक्ष सम्पर्कमा आउनुपर्ने ट्राफिक प्रहरीलाई हुन सक्ने जोखिम न्युनिकरण गर्नका लागी ट्राफिक प्रहरी महाशाखाले पिपिई (पर्सनल प्रोटेक्ट इक्वीपमेन्ट) र फेस सिल्ड(भाईजर) सहित ड्युटी परिचालन गर्नुका साथै सामाजिक दुरी कायम राखि सुरक्षित भई चेकजाँचको व्यबस्था समेत मिलाएको प्रवक्ता एसपी श्रेष्ठले बताउछन् ।
