टुडे संवादाता 
साउन १८,हेटौंडा/ जिल्ला प्रहरी कार्यालय मकवानपुरले कारागार बाट फरार एक कैदी लाई पक्राउ गरेको छ । फरार कैदी भिमफेदी कारागारमा कर्तव्य ज्यान मुद्दामा २० बर्षको सजाय भोग्दै आएका थिए
गत वर्ष २०७६ कार्तिक ३० गते भीमफेदी कारागारबाट फरार रहेका कैदी जिल्ला सुनसरी रामधुनी नगरपालिका वडा नम्बर ७ बस्ने वर्ष २५ का कुलदीप राज धामीलाई पुर्व नवलपरासी जिल्ला देवचुली नगरपालिका वडा नम्बर १६ रजहर स्थित पुल छेउबाट पक्राउ गरेको मकवानपुर प्रहरीले जनाईएको छ ।
निज धामीले २०७१ पुस महिनामा चितवनमा वर्ष २१ का रोजिन गुरुङलाई हत्या गरेको अभियोगमा चितवन जिल्ला अदालतबाट २० वर्षको जेल सजाय तोकिएको थियो । निजलाई केहि वर्ष अघि चितवन कारागारबाट भीमफेदी कारागारमा स्थान्तरण गरिएको थियो । उनी गत कार्तिक ३० गते जेलबाट पर्खालबाट भागी फरार रहेका थिए ।
फरार रहेका धामी भारत पुगेका थिए । उनी सुदुरपश्चिम कञ्चनपुर नाकाबाट चितवन तर्फ आउदैं गरेको सुचना प्राप्त भए पछि जिल्ला प्रहरी कार्यालय मकवानपुरका टोली रजहरबाट पक्राउ गरी हेटौंडा ल्याइएको प्रहरी उपरीक्षक सुशिल सिंह राठौरले बताए । निजलाई थप जेल सजायको लागि भीमफेदी कारागारमा लगिने राठौरले बताए ।
