टुडे संवादाता 
सिरहा/सशस्त्र प्रहरीको टोलीले लागुऔषध गाँजासहित एकजनालाई पक्राउ गरेको छ। सशस्त्र प्रहरी बल सुरक्षा बेस क्याम्प मिर्चैयाबाट खटिएको टोलीले मिर्चैया नगरपालिका-१० बाट तीन केजी ४०० ग्राम लागुऔषध गाँजासहित सिरहा नगरपालिका-१६ निवासी ६० वर्षीय मनै मोचीलाई पक्राउ गरेको हो।
बोरामा प्याकिङ गरी लैजाँदै गरेको अवस्थामा शंका लागेर जाँच गर्दा गाँजा बरामद भएपछि मोचीलाई पक्राउ गरिएको सशस्त्र प्रहरी बल नेपाल नम्बर ७ गण हेडक्वाटर सिरहाका सशस्त्र प्रहरी नायब उपरीक्षक विनोद थापाले जानकारी दिए।
सेयर गर्नुहोस्
