टुडे संवादाता 
हेटौंडा/मकवानपुरको भिमफेदी गाउँपालिकाका वडा नम्बर-५ स्थित दमारमा मंगलबार राति चुनढुङ्गा बोकेको टिपर दुर्घटना भएको छ । दुर्घटना हुदा ३ जना घाइते भएका छन्।
हेटौँडा–१५ मा रहेको ॠदि सिद्ध सिमेन्ट उद्योगको चुनढुङ्गा बोकेर आउदैं गर्द दुर्घटना भएको मकवानपुर प्रहरीले जनाएको छ । प्रहरीका अनुसार गएराति ढुङ्गा बोकेर उद्योग तर्फ आउँदै गरेको बा ३ ख ६९२७ नम्बरको टिपर दुर्घटना भएको हो ।
टिपरमा सवार ३ जना घाईते भएका छन् । घाइते हुनेहरुमा मकवानपुरको हेटौंडा उपमहानगरपालिका वडा नम्बर १५ का २३ वर्षीय मिलन मोक्तान,भीमफेदी गाउँपालिका वडा नम्बर ५ का २१ वर्षीय रमेश भोलन र सोही ठाउँ बस्ने २३ वर्षीय अनुभव मोक्तान रहेका छन् ।
उनीहरु सबै हेटौँडा(११ मा रहेको चुरेहिल अस्पतालमा उपचार भइरहेको जनाइएको छ। टिपर एउटा मोडबाट खसेर अर्को मोडमा पुगेर दुर्घटनाग्रस्त भएको जनाइएको छ।
सेयर गर्नुहोस्
