टुडे संवादाता 
हेटौंडा/हेटौंडा उपमहानगरपालिका वडा नम्बर ११ थानाभर्याङमा एक मजदुरको मृत्यू भएको छ । मृत्यु हुनेमा बाराको कलैया उपमहानगरपालिकाका १९ वर्षीय अरबिन्द कुमार ठाकुर रहेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले जानकारी दिए ।
प्रहरी नायब उपरीक्षक रानाका अनुसार गाढी मर्मत गर्ने ग्यारेजमा काम गर्दै आएका ठाकुरको मेशिनमा परेर घटनास्थलमै मृत्यु भएको हो ।
मृतक ठाकुरको शव हाल पोष्टमार्टमको लागि हेटौंडा अस्पतालमा राखिएको छ । उक्त घटनाको विषयमा आवश्यक अनुसन्धान भइरहेको मकवानपुर प्रहरीले जनाएको छ ।
सेयर गर्नुहोस्
