टुडे संवादाता 
हेटौंडा । पूर्व पश्भिम राजमार्ग अन्तर्गत हेटौंडा-९ को हनुमानगेट नजिक टिपरले मोटरसाईकललाई ठक्कर दिएको छ । हेटौंडाबाट बारा तर्फ जाँदै गरेको ना ३ ख ९२०० नम्बरको टिपर र विपरीत दिशाबाट आउँदै गरेको बागमती प्रदेश ०३ ००३ प ३२४० नम्बरको मोटरसाईकललाई एक आपसमा ठक्कर खाई दुर्घटनाग्रस्त भएको हो। दुर्घटनामा दुई जना घाईते भएका छन् । उनिहरुलाई उपचारको लागि हेटौंडा अस्पताल पठाईएको प्रहरीले जनाएको छ ।
दुर्घटना भएपछि स्थानीयले सडक अवरोध गर्दा सवारी जाम भएको छ । जिल्ला प्रहरी कार्यलय मकवानपुरका निमित्त प्रहरी प्रवक्ता देवेन्द्र दासका अनुसार सडक जाम खुलाउने प्रयास भईरहेको छ र चालक तथा टिपर पशुपतिनगर प्रहरीको नियन्त्रणमा रहेको जनाइएको छ । घाइतेको हेटौंडा अस्पतालमा उपचार भइरहेको छ।
सेयर गर्नुहोस्
