टुडे संवादाता 
हेटौंडा/ हेटौंडा ११ स्थित नवलपुरमा रहेको एक विद्यालयमा पठनपाठन नभएकोभन्दै विद्यार्थीहरुले राजमार्ग अवरुद्ध गरेका छन् ।
नवलपुरमा रहेको त्रिभुवन माध्यमिक विद्यालयका शिक्षकहरुले विगत दशदिनदेखि तलब नपाएकाले पठनपाठन नगराएकोभन्दै विद्यार्थीहरुले राजमार्ग अबरुद्ध गरेर आन्दोलन गरेका हुन् ।
विद्यार्थीले नियमित पठनपाठन हुनुपर्ने माग गर्दै शिक्षकहरुले विद्यालयमा राजनीति गरेको आरोप लगाएका छन् ।
जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालका अनुसार घटनास्थलमा प्रहरी परिचालन गरिएको बताएका छन् । ‘विद्यालयमै राजनीति भएको देखिन्छ । शिक्षकहरु नै दुई समूहमा विभाजित भएका रहेछन् । हामी बुझ्दैछौं ।’, उनले भने ।
सेयर गर्नुहोस्
