आज विश्व जनसंख्या दिवस

हेटौंडा टुडे
२७ असार २०७९, सोमबार १४:१५

हेटौंडा । आज विश्व जनसंख्या दिवस, नेपालमा पनि विभिन्न कार्यक्रम गरी मनाइँदै छ । यस वर्षको विश्व जनसंख्या दिवस ‘आठ अर्ब जनसंख्या सबैको छनोट र अधिकारको सुनिश्चिततासहित उज्ज्वल भविष्यका लागि अवसरको प्राप्ति’ नाराका साथ मनाइँदै छ । सन् १९८९ देखि संयुक्त राष्ट्र सङ्घले ११ जुलाईलाई विश्व जनसंख्या दिवसका रूपमा मनाउन थालेको हो । नेपालमा पनि सोही वर्षदेखि मनाइँदै आएको छ। विश्व जनसंख्या कोषले आज सार्वजनिक गरेको ‘वल्र्ड पपुलेसन प्रोस्पेक्टस २०२२’ अनुसार विश्वको जनसंख्या सन् २०८० को दशकमा करिब १० दशमलव ४ अर्बसहित उच्च बिन्दुमा पुग्नेर सन् २१०० सम्म त्यही स्तरमा रहनेछ ।

औसत आयुमा भएको वृद्धि तथा घट्दै गएको शिशु तथा मातृ मृत्युदरका कारण जनसंख्या पहिलेभन्दा धेरै भएको विश्लेषण गरिएको छ । कोषका अनुसार विश्वको जनसंख्या सातदेखि आठ अर्बसम्म पुग्न १२ वर्ष लागेको र ६ देखि ७ अर्ब पुग्न पनि उत्तिकै समय लागेको थियो ।
अहिलेको वृद्धिदरलाई हेर्दा अब अर्को अर्ब थपिन भने करिब साढे १४ वर्ष लाग्ने अनुमान गरिएको छ । राष्ट्रिय जनगणना, २०७८ को प्रारम्भिक नतिजाअनुसार नेपालमा अहिले दुई करोड ९१ लाख ९२ हजार ४८० जनसंख्या छ ।आगामी कात्तिकभित्र जनगणनाको पूर्ण विवरण आउँदा करिब तीन लाख जनसंख्या थपिएर र नेपालको जनसंख्या दुई करोड ९४ लाख पुग्ने अनुमान गरिएको केन्द्रीय तथ्यांक विभागका उपमहानिर्देशक डा। हेमराज रेग्मीले जानकारी दिए ।

यसमा तपाइको मत

Your email address will not be published. Required fields are marked *


*