हेटौंडा टुडे
हेटौंडा| कारोबारको पहिलो दिन आइतबार सुनको भाउ यो वर्षकै उच्च स्तरमा पुगेको छ।
आज प्रतितोला छापावाल सुन १ लाख ५ हजार रुपैयाँ र तेजाबी सुन १ लाख ४ हजार ५०० रुपैयाँ कायम भएको छ। जुन यो वर्षकै उच्च हो।
यसअघि सुनको भाउ गत वर्ष फागुन २५ गते हालसम्मकै उच्च स्तरमा पुगेको छ। यो दिन प्रतितोला छापावाल सुन १ लाख ५ हजार ५०० रुपैयाँ र तेजाबी सुन १ लाख ५ हजार रुपैयाँमा कारोबार भएको थियो।
गत शुक्रबारको तुलनामा आज सुनको भाउ तोलामा १ हजार १०० रुपैयाँले बढेको छ। गत शुक्रबार प्रतितोला छावावाल सुन १ लाख ३ हजार ९०० रुपैयाँ र तेजाबी सुन १ लाख ३ हजार ४०० रुपैयाँमा कारोबार भएको थियो।
आज चाँदीको भाउ तोलामा २५ रुपैयाँले बढेर १ हजार ३९० रुपैयाँ कायम भएको छ। गत शुक्रबार चाँदीभाउ तोलामा ५ रुपैयाँले बढेर १ हजार ३६५ रुपैयाँमा किनबेच भएको थियो।
सेयर गर्नुहोस्
