हेटौंडा टुडे
हेटौंडा । अवैध लागूऔषध गाँजा सहित मकवानपुरका दुई जना पक्राउ परेका छन् । बारा जितपुरसिमरा उपमहानगरपालिका–१ पथलैया चोकबाट अवैध लागूऔषध गाँजा ९ किलोग्रामसहित २ जनालाई मंगलबारराति प्रहरीले पक्राउ गरेको हो ।
पक्राउ पर्नेहरूमा मकवानपुर मनहरी गाउँपालिका–८ बस्ने २१ वर्षीय सुवास मोक्तान र कैलाश गाउँपालिका बस्ने ३० वर्षीय देवराज स्याङतान रहेको जिल्ला प्रहरी कार्यालय बाराले जानकारी दिएको छ ।
प्रहरी चौकी पथलैयाबाट खटिएको प्रहरीले हेटौंडाबाट पथलैयातर्फ जाँदै गरेको बा।प्र।०२–०२९प १६०९ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त गाँजासहित पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
सेयर गर्नुहोस्
