मकवानपुरमा आफ्नै आमाको हत्या गरेको आरोपमा छोरा पक्राउ

हेटौडा  । मकवानपुरको थाहा नगरपालिकाबाट आफ्नै आमाको हत्या आरोपमा युवक पक्राउ परेका छन् । थाहा नगरपालिका वडा नं।१० तल्लो बिसिङ्गखेल बस्ने २६ बर्षीय मिलन गमाललाई हिजो आइतबार प्रहरीले पक्राउ गरेको हो ।बागमती प्रदेश प्रहरी कार्यालय हेटौंडाका अनुसार मिलनलाई आफ्नै आमाको हत्या आरोपमा पक्राउ गरिएको हो । उनले गत फागुन ३० गते आफ्नै घरमा मृत भेटिएकी ज्ञानीमाया गमालको हत्या गरेको अनुसन्धानबाट खुल्न आएको प्रहरीले जनाएको छ ।ज्ञानीमाया आफ्नै घरको खाटमा सुति रहेको अबस्थामा मृत भेटिएकी थिइन् । घटनाको अनुसन्धान गर्ने क्रममा मिलनले नै घरायसी विबादको कारण आफ्नै आमा ज्ञानीमायाको हत्या गरेको खुल्न आएको प्रहरीको दाबी छ ।उनी हाल इलाका प्रहरी कार्यालय पालुङ्गको नियन्त्रणमा रहेका छन् । उनीमाथि थप अनुसन्धान भइरहेको प्रहरीले जनाएको छ ।