हेटौंडा टुडे
हेटौंडा । माध्यमिक शिक्षा परीक्षा एसईई को मौका परीक्षा आगामी साउन २३ गतेदेखि हुने राष्ट्रिय परीक्षा बोर्डले जनाएको छ । आइतबार बसेको बोर्डको बैठकले साउन २३ देखि ३१ गतेसम्म परीक्षा सञ्चालन गर्ने निर्णय गरेको हो । बोर्डले परीक्षा तालिका भने सोमबार सार्वजनिक गर्ने बताएको छ ।
यसअघि दुई विषयमा एनजी नन ग्रेडेड आएका विद्यार्थीलाई साउन १८ र १९ गते मौका परीक्षा गर्ने निर्णय गरेको थियो । तर, शिक्षा मन्त्रालयले मन्त्रीस्तरीय निर्णय गर्दै एनजी आएका सबै विद्यार्थीलाई मौका परीक्षा दिन पाउने व्यवस्था गरेको थियो । त्यसपछि बोर्डले अर्को मिति तय गरेको हो ।
गत बिहीबार सार्वजनिक भएको २०८० सालको एसईईको नतिजामा ५२ प्रतिशतभन्दा बढी विद्यार्थीको नतिजा एनजी आएको थियो ।
सेयर गर्नुहोस्
