हेटौंडा टुडे
प्रहरीले विराटनगरबाट ठूलो परिमाणमा ब्राउन सुगर सहित दुई जनालाई पक्राउ गरेको छ । शनिबार राति विराटनगर महानगरपालिका–१४ मलाया रोडबाट १७४ ग्राम ३१ मिलिग्राम ब्राउन सुगर बरामद भएको प्रहरीले जानकारी दिए।
ब्राउन सुगर सहित विराटनगर – १२ का २३ वर्षीया रोशनलाल महतो र भारत बिहारको अररियाका २१ वर्षीय पवनकुमार यादव पक्राउ परेका छन् । उनीहरुको साथमा रहेको को ३० प ४१० नम्बरको मोटरसाइकल पनि बरामद भएको छ । प्रहरीका अनुसार पवनले रोशनलाई भारतबाट ब्राउन सुगर ल्याइदिएको हुनसक्छ । पक्राउ परेकाहरु माथि थप अनुसन्धान भइरहेको प्रहरीले बताएको छ ।
सेयर गर्नुहोस्
