हेटौंडा टुडे
फाईल फोटो
मंसिर ५, हेटौंडा
हेटौंडा १८ हर्नामाडी फुर्केचौरमा रहेको गोरक्षनाथ मा. वि. लाई प्राविधिक शिक्षालय बनाउनको लागि मंगलबारबाट लगाइएको श्रीमद् भागवत सप्ताह ज्ञान महायज्ञको तेश्रो दिन आज बिहिबार ४ लाख ५५ हजार रुपियाँ संकलन भएको छ ।
प्रख्यात बाचन पण्डित दिनबन्धु पोख्रेलले बाचन गरि रहनु भएको सप्ताह महायज्ञको तेश्रो दिन ४ लाख ५५ हजार रकम संकलन भएको हो । यसअघि मंसिर ३ गते उद्घाटनका दिन २२ लाख ५० हजार र हिजो बुधबार ५ लाख संकलन भएको थियो । मंगलबार सुरु भएको महायज्ञको तिन दिनसम्ममा ३२ लाख ५ हजार संकलन भएको लेखा समिति संयोजक विनोद घिमिरेले जानकारी दिए ।
मंसिर ३ गतेबाट मंसिर १० गतेसम्म संचालन हुने श्रीमद् भागवत सप्ताह महायज्ञबाट उठेको रकमले गोरक्षनाथ माविमा प्राविधिक शिक्षा संचालन गर्ने लक्ष्य रहेको विद्यालय व्यवस्थापन समितिका अध्यक्ष शैलेन्द्रराज बानियाँले जानकारी दिए । महायज्ञबाट करिब २ करोड संकलन गर्ने लक्ष्य रहेको अध्यक्ष बानियाँले जानकारी दिए ।
