हेटौंडा टुडे
माघ ३ हेटौंडा/ हेटौंडा उपमहानगरपालिका वडा नं ३ स्थित लेवटमा ट्रकले ठक्कर दिँदा एक युवकको ज्यान गएको छ ।
हेटौंडाबाट चितवन तर्फ जाँदै गरेको ना ६ ख ६५६ नम्बरको ट्रकले ठक्कर दिँदा चितवन, रत्ननगर घर भई लेवटमा मजदुरी गर्दै आएका अम्बर पुन मगरको मृत्यु भएको मकवानपुर प्रहरीले जनाएको छ । शुक्रबार (आज) बिहान ११ बजे सडक छेउमा पैदल हिँडिरहेका मगरलाई ट्रकले ठक्कर दिएको प्रहरीले जनाएको छ ।
ट्रकको ठक्करले घाइते भएका पुनको उपचारको क्रममा हेटौंडा अस्पतालमा मृत्यु भएको हो । मृतक पुनः लेवटस्थित चाउमिन उद्योगमा काम गर्दै आएका थिए । ट्रक र चालकलाई प्रहरीले नियन्त्रणमा लिइएको छ ।
source-nawayug.com
सेयर गर्नुहोस्
