हेटौडा टुडे संवाददाता
चैत्र १,काठमाडौं/ धादिङका हिमेश पन्तले हातपारे कमेडी च्याम्पियनको ताज,(आज)शनिबार काठमाडौंमा भएको ‘कमेडी च्याम्पियन’को फाइनलमा भोटिङका आधारमा हिमेश उत्कृष्ट घोषित हुनु भएको हो ।
वरिष्ठ हास्य कलाकार हरिवंश आचार्यले विजेता घोषणा गर्नु भएको थियो । विजेता बनेसँगै हिमेशले २५ लाख रुपैयाँ नगद र एउटा कार पाउनु भएको छ ।
यसअघि उहाँले ‘कमेडी सर्कल’ नामक प्लेटफर्ममा पनि नियमित स्ट्यान्डप–कमेडी गर्नु भएको थियो । हिमेश यसअघि नै युटुबबाट परिचित भइसक्नु भएको थियो । शोको फाइनलिस्टमा सुमन कोइराला र खड्गबहादुर पुनमगर पनि हुनुहुन्थ्यो ।
‘कमेडी च्याम्पियन’को निर्णायक मण्डलमा सन्तोष पन्त, मनोज गजुरेल, प्रदीप भट्टराई र ऋचा शर्मा हुनुहुन्थ्यो । यो ‘कमेडी च्याम्पियन’ युवा माझ अत्यन्तै लोकप्रिय भएको रियालिटी शो कार्यक्रम हो ।
सेयर गर्नुहोस्
