टुडे संवादाता 
साउन ११, हेटौंडा/पुर्व पश्चिम राजमार्ग अन्तर्गत मनहरी-९ खरङ्गामा ट्रक पल्टिदा एकजनाको मृत्यु भएको छ भने एकजना घाइते भएका छन्।
बाराबाट चितवन तर्फ जाँदै गरेको ना ४ ख ७०४ नम्बरको ट्रक अनियन्त्रित भई सडकबाट करिब १० मिटर तल पल्टिँदा एकजनाको मृत्यु भएको छ भने एकजना घाइते भएका छन। मृत्यु हुनेमा ट्रकमा सवार बाराका अन्दाजी २० बर्षका राज चौधरी रहेका छन्।
त्यसैगरी ट्रक चालक अन्दाजी ४५ बर्षीय लक्ष्मी नारायण चौधरी घाइते रहेको र उनको उद्धार गरी उपचारका लागि चितवन तर्फ पठाइएको घटनास्थलमा रहेका जिल्ला ट्राफिक प्रहरी कार्यालय मकवानपुरका प्रहरी प्रमुख प्रहरी निरीक्षक हरि विष्णु ढकालले बताएका छन्।
मृतक चौधरीको शव च्यापिएको अवस्थामा फेला परेको ढकालले बताएका छन्। । घाइते हुने ट्रक चालक बाबु र मृतक छोरा भएको बुझिएको छ । मृतकलाई हेटौंडा अस्पताल ल्याईएको छ । ट्रकले बाराबाट मकै लोड लिएर चितवन तर्फजाँदै गरेको बताईएको छ ।
ट्रक यसरि पल्टिएको छ । हेर्नुहोस फोटो,
तस्बिर सौजन्य मनहरीबाट मनोज अधिकारी बाट
