टुडे संवादाता 
काठमाडौं/जनता समाजवादी पार्टीका नेता एवं पूर्वप्रधानमन्त्री डा.बाबुराम भट्टराईले कांग्रेस वरिष्ठ नेता रामचन्द्र पौडेललाई पक्राउको विषयमा घटनाको विरोध जनाएका छन् ।
तनहुँमा स्थानीय प्रशासनले आकस्मिक कफ्र्यू लगाएर पौडेललाई पुल उद्घाटन गर्न रोक लगाएको थियो। पूर्वनिर्धारित कार्यक्रमअनुसार पुल उद्घाटन गर्न जाँदा पौडेललाई प्रहरीले नियन्त्रणमा लिएको हो ।
गृहजिल्लामा आफ्नै पालामा बनेको पुल उद्घाटन गर्न नेकपा निकट राष्ट्रिय युवा संघका कार्यकर्ताले अवरोध गरेपछि स्थानीय प्रशासनको कफ्र्यूका बाबजुद पौडेल अघि बढेका थिए ।
पौडेल गिरफ्तारीपछि बाबुरामले ट्वीटरमार्फत राजावादीहरूलाई छुट दिने र गणतन्त्रवादीलाई निषेधाज्ञा र गिरफ्तार गर्ने ओली सरकारको चाला के हो भनी प्रश्न गरेका छन् ।
राजावादीहरूलाई देशव्यापी वितण्डाको छुट तर गणतन्त्तवादीलाई निषेधाज्ञा र गिरफ्तार?ओली@kpsharmaoli सरकारको के हो चाला? @NcPaudel कै पालामा बनेको पुल उद्घाटन गर्न सत्ताधारीहरूद्वारा किन रोक? दालमा कालो देखियो है! https://t.co/C2Q8k8M2Li
— Baburam Bhattarai (@brb1954) December 2, 2020
